რუსეთი აღარ დაუშვებს შეცდომებს, რომლებიც ძირს უთხრის მის სუვერენიტეტს - ამბობს პუტინი რუსეთის სახელმწიფოებრიობის 1160 წლისთავისადმი მიძღვნილ ღონისძიებაზე სიტყვით გამოსვლისას. მისი თქმით, სუვერენიტეტის ნებისმიერი შესუსტება საფრთხეს უქმნის რუსეთს.
უკრაინის პრეზიდენტის ვოლოდიმირ ზელენსკის თქმით, მსოფლიო მასობრივი განადგურების იარაღის გამოყენების უფლებას პუტინს არ მისცემს.
BBC-ის Telegram-ის არხის ინფორმაციით, პუტინმა რუსეთში ნაწილობრივი მობილიზაცია გამოაცხადა. რუსული სახელმწიფო მედია "რია" წერს, რომ შესაბამის განკარგულებას მან ხელი უკვე მოაწერა.
რუსეთის თავდაცვის მინისტრის, სერგეი შოიგუს მტკიცებით, უკრაინამ ომში უკვე დაკარგა არმიის ნახევარი , რუსეთმა კი 5 937 სამხედრო.
რუსეთის პრეზიდენტი, ვლადიმერ პუტინი ამტკიცებს, რომ რუსეთი ბირთვული შანტაჟის ქვეშაა. ამ თემაზე მან დღეს სატელევიზიო მიმართვაში ისაუბრა და თქვა, რომ თუ ტერიტორიულ მთლიანობას საფრთხე დაემუქრება, რუსეთი "გამოიყენებს ყველა შესაძლო საშუალებას".
ნიუ იორკში გაეროს 77-ე ასამბლეა გრძელდება. ასამბეაზე მსოფლიოს ლიდერებს თურქეთის პრეზიდენტმა, რეჯეფ თაიფ ერდოღანმა მიმართა და თქვა, რომ რუსეთის ომი უკრაინის სუვერენიტეტისა და ტერიტორიული მთლიანობის სრული დაცვით უნდა დასრულდეს.
საფრანგეთის პრეზიდენტი ემანუელ მაკრონი რუსეთს თანამედროვე იმპერიალიზმში ადანაშაულებს. ემანუელ მაკრონმა გაერო-ს გენერალურ ასამბლეაზე სიტყვით გამოსვლისას აღნიშნა, რომ იმპერიალიზმი ჯუნგლების კანონს ეფუძნებოდა.
პუტინმა უნდა აღიაროს, რომ უკრაინის ომს ვერ მოიგებს, – ამის შესახებ გერმანიის კანცლერმა, ოლაფ შოლცმა გაერო-ს გენერალურ ასამბლეაზე სიტყვით გამოსვლისას განაცხადა.
დონეცკისა და ხარკოვის ოლქების საზღვარზე უკრაინის დროშა აღიმართა, – ამის შესახებ ინფორმაციას „სიენენი“ დონეცკის რეგიონულ სამხედრო ხელმძღვანელზე, პავლო კირილენკოზე დაყრდნობით ავრცელებს.
ხერსონის ოლქის ქალაქ ნოვა-კახოვკასთან, მდინარე დნეპრში უკრაინელმა სამხედროებმა რუსეთის საოკუპაციო ძალების ბარჟა ჩაძირეს, რომელზეც სამხედროები იმყოფებოდნენ და ასევე, ტექნიკა და შეიარაღება იყო განთავსებული.
