სააგენტო „როიტერის“ ინფორმაციით, რუსეთის პრეზიდენტმა, ვლადიმერ პუტინმა ჩინეთის ლიდერ სი ძინპინს უთხრა, რომ მოსკოვი მხარს უჭერს პეკინის „ერთი ჩინეთის“ პოლიტიკას, ეწინააღმდეგება აშშ-ის „პროვოკაციებს“ ტაივანის სრუტეში და აფასებს ჩინეთის „დაბალანსებულ პოზიციას“ უკრაინის საკითხზე.
ევროპარლამენტმა უკრაინისთვის 5 მლრდ ევროს მაკროფინანსური დახმარების პაკეტი დაამტკიცა - ინფორმაციას უკრაინული მედია ავრცელებს.
არ არის საჭირო კრემლის მიერ საომარი მდგომარეობის გამოცხადების ლოდინი - ამბობს კადიროვი გავრცელებულ ვიდეოში და რუსეთის ფედერაციაში შემავალ სუბიექტებს მოუწოდებს, "დაამტკიცონ მზადყოფნა, დაეხმარონ სახელმწიფოს".
უკრაინის პრეზიდენტი, ვოლოდიმირ ზელენსკი ამბობს, რომ დღეისთვის ხარკოვის თითქმის მთელი რეგიონი დეოკუპირებულია. მისივე თქმით, ეს უკრაინელი ჯარისკაცების უპრეცედენტო მოქმედების შედეგია.
უკრაინულმა ძალებმა ქალაქი კისელივკა გაათავისუფლეს, - ამის შესახებ ხერსონის საკრებულოს თავმჯდომარემ ოლექსანდრ სამოილენკომ განაცხადა.
რუსეთი სულ უფრო ხშირად ყიდულობს იარაღს იმ ქვეყნებიდან, რომლებიც მკაცრ სანქციებს ექვემდებარებიან, როგორიცაა ირანი და ჩრდილოეთ კორეა, – ამის შესახებ აღნიშნულია ბრიტანეთის დაზვერვის ყოველდღიურ მოხსენებაში. ანგარიშის მიხედვით, რუსეთი შეიარაღებისთვის სხვა ქვეყნებს მიმართავს, რადგან მისი რეზერვები მცირდება.
უკრაინელ სამხედროებთან და დროშასთან ერთად, დეოკუპირებულ ტერიტორიებზე ისადგურებს მშვიდობა და ცხოვრების ნორმალური რიტმი ბრუნდება, – ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიური მიმართვისას განაცხადა.
საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი ჯოზეფ ბორელი ორგანიზაციის წევრ სახელმწიფოებს უკრაინისთვის სამხედრო დახმარების გააქტიურებისკენ მოუწოდებს.
რუსი ოკუპანტები მელიტოპოლიდან ოკუპირებული ყირიმისკენ გარბიან, - ამის შესახებ ინფორმაციას მელიტოპოლის მერი, ივან ფედოროვი სოციალურ ქსელში ავრცელებს.
უკრაინის საჰაერო ძალებმა ხერსონსა და დონეცკში რუსი ოკუპანტების კუთვნილი ორი სამხედრო თვითმფრინავი და ერთი უპილოტო საფრენი აპარატი გაანადგურეს.
