ყველა ყოველთვის ამბობდა და ჩვენ პუტინს ნათლად ვუთხარით, რომ უკრაინა, უახლოეს მომავალში, არავითარ შემთხვევაში ნატოს არ შეუერთდება,- ამის შესახებ დიდი ბრიტანეთის პრემიერ-მინისტრმა ბორის ჯონსონმა განაცხადა.
ისრაელმა უკრაინასთან უვიზო რეჟიმი გააუქმა და ლტოლვილების მიღებაზეც უარს აცხადებს - ამის შესახებ ინფორმაციას ისრაელში უკრაინის საელჩო ავრცელებს.
რუსეთის საგარეო საქმეთა მინისტრის, სერგეი ლავროვის განცხადებით, მიმდინარე კონფლიქტი არის მნიშვნელოვანი მომენტი, რომელიც მსოფლიო წესრიგს განსაზღვრავს.
მოლაპარაკებების მორიგი რაუნდი, უკრაინისა და რუსეთის დელეგაციებს შორის დღეს იგეგმება. ამის შესახებ უკრაინის პრეზიდენტის ადმინისტრაციის მრჩეველი, მიხაილ პოდოლიაკი სოციალურ ქსელში წერს.
ამერიკის შეერთებული შტატები უკრაინის დახმარებას დამატებით 800 მილიონით აპირებს - თეთრი სახლის ინფორმაციით, ახალი პაკეტი ტანკსაწინააღმდეგო რაკეტებსაც მოიცავს. მანამდე აშშ-ის პრეზიდენტმა ჯო ბაიდენმა ხელი მოაწერა კანონს, რომელიც უკრაინისთვის სამხედრო, ჰუმანიტარული და ეკონომიკური დახმარების გაწევას ითვალისწინებს და გამოყოფილი თანხა თითქმის 14 მილიარდი დოლარია.
უკრაინის შეიარაღებული ძალების გენერალური შტაბის ცნობით, რუსეთმა ომში ჩართული ნაწილების 40%-მდე დაკარგა.ინფორმაციას უკრაინული მედია ავრცელებს.
ცოტა ხნის წინ პოლონეთის, ჩეხეთის და სლოვენიის პრემიერმინისტრები კიევში უკრაინის პრეზიდენტს ვოლოდიმერ ზელენსკის და პრემიერს შეხვდნენ. პრეზიდენტმა ვოლოდიმირ ზელენსკიმ მათთან შეხვედრის ამსახველი მასალა რამდენიმე წუთის წინ გამოაქვეყნა.
ოდესის ოლქის სახელმწიფო ადმინისტრაციის ხელმძღვანელი მაქსიმ მარჩენკოს განცხადებით, ოდესის ოლქის ერთ-ერთ დასახლებულ პუნქტზე ავიაციისა და ხომალდების მხრიდან სარაკეტო თავდასხმა განხორციელდა. ამის შესახებ ინფორმაციას ოლქის სახელმწიფო ადმინისტრაციის ხელმძღვანელი თავად ავრცელებს.
რუსმა ოკუპანტებმა მარიუპოლში ერთ-ერთი საავადმყოფოს ექიმები და პაციენტები მძევლად აიყვანეს. ამის შესახებ ინფორმაციას უკრაინული მედია, დონეცკის ოლქის სამხედრო ადმინისტრაციის ხელმძღვანელზე პაველ კირილენკოზე დაყრდნობით ავრცელებს.
უკრაინის პრეზიდენტმა ვოლოდიმირ ზელენსკიმ განაცხადა, რომ მათთვის გასაგებია, რომ უკრაინა NATO-ში ვერ შედის და ამის აღიარება მნიშვნელოვანია.
