ჩრდილოეთ კორეამ იაპონიის ზღვის მიმართულებით რამდენიმე ბალისტიკური რაკეტა გაუშვა. ამის შესახებ ინფორმაციას „დოიჩე ველე“ ავრცელებს.
როგორც „ხალხის ძალის“ წევრები აცხადებენ, ე.წ. ლიბერალების მიერ წარმოებული აგრესიული კამპანიის მხილება მოძრაობის სამომავლო საქმიანობის ერთ-ერთი უმნიშვნელოვანესი მიმართულება იქნება.
პირველ ნოემბერს, გორის მუნიციპალიტეტის სოფელ მეჯვრისხევის მიმდებარედ რუსეთის საოკუპაციო ძალის წარმომადგენლებმა უკანონოდ დააკავეს საქართველოს სამი მოქალაქე, – ამის შესახებ სახელმწიფო უსაფრთხოების სამსახური ავრცელებს ინფორმაციას.
რუსეთი აქტიურად დაეხმარება სამხრეთ ოსეთს სოციალურ-ეკონომიკური განვითარების პროგრამის განხორციელებაში, – სერგეი ლავროვის აღნიშნულ განცხადებას ოკუპირებული სამხრეთ ოსეთის საგარეო საქმეთა მინისტრ ახსარ ჯიოევთან შეხვედრის შემდეგ რუსული მედია ავრცელებს.
ჭყლეტა — მომაკვდინებელი ფენომენი, რომელსაც სამხრეთ კორეაში 154 ადამიანის სიცოცხლე ემსხვერპლა, მარტივი ფიზიკით აიხსნება. ამის შესახებ ექსპერტი გამოცემა Insider-თან საუბრობს.
ჯანდაცვის სამინისტროს ინფორმაციით, საყოველთაო ჯანდაცვის პროგრამაში ჩართულ კლინიკებთან ანგარიშსწორება დიაგნოზთან შეჭიდული ჯგუფებით (DRG) დაფინანსების მოდელით მოხდება.
ასეთი მიდგომები რომ ჰქონდათ ქართველ ხალხთან, როგორც უსწორდებოდნენ, იმიტომ იმყოფებიან იქ, სადაც იმყოფებიან, ეს არის ქართველი ხალხის გადაწყვეტილება, – ამის შესახებ თბილისის მერმა კახა კალაძემ განაცხადა, რომელიც გამოეხმაურა „ევროპული საქართველოს“ წევრის აკაკი ბობოხიძის განცხადებას, სადაც ბობოხიძე აღნიშნავს: „იყო ავტორიტარიზმი, ძალაზე დამყარებული წესრიგი, ჩვენ ვცდილობდით, წესრიგისთვის შეგვეჩვია ქართველი ხალხი არა აღზრდის, არამედ მოთხოვნის გზით“.
სამართალდამცველებმა ჩატარებული კომპლექსური ოპერატიული ღონისძიებების და საგამოძიებო მოქმედებების შედეგად, ნარკოდანაშაულისთვის 24 პირი დააკავეს.
ჩვენ ვმუშაობთ და ქართველ ერს ეცოდინება, რომ „ქართულმა ოცნებამ“ მისი წარმატებისთვის ევროპულ გზაზე ყველაფერი გააკეთა, – ამის შესახებ საქართველოს კულტურის მინისტრმა, თეა წულუკიანმა განაცხადა.
