ილონ მასკი ამომრჩევლებს ურჩევს, აშშ-ის კონგრესის შუალედურ არჩევნებზე „რესპუბლიკელებს“ მისცენ ხმა. ამის შესახებ მან სოციალურ ქსელ „ტვიტერში“ დაწერა.
გაერო-ს გენერალური მდივანი ანტონიუ გუტერეში აცხადებს, რომ მსოფლიო კლიმატური ჯოჯოხეთის გზაზეა. ამის შესახებ ანტონიუ გუტერეშმა ეგვიპტეში მიმდინარე გაერო-ს კლიმატურ სამიტზე სიტყვით გამოსვლისას განაცხადა.
გაერო-ს კლიმატის ცვლილების 27-ე კონფერენცია კარგი პლატფორმაა კლიმატის ცვლილების შესახებ წარმოებულ დიალოგში დაინტერესებული წრეებისა და მხარეების ჩასართავად, – ამის შესახებ საქართველოს პრემიერ-მინისტრი ირაკლი ღარიბაშვილი სოციალურ ქსელ „ტვიტერში“ წერს.
IRI-ის კვლევის მიხედვით, ამ კვირას რომ არჩევნები ტარდებოდეს, გამოკითხულთაგან 25 პროცენტი „ქართულ ოცნებას“, ხოლო 12 პროცენტი „ნაციონალურ მოძრაობას“ მისცემდა ხმას.
აშშ-ის კონგრესის შუალედური არჩევნების კამპანიის დასასრულს, ამომრჩევლებთან შეხვედრები გამართა აშშ-ის ყოფილმა პრეზიდენტმა, დონალდ ტრამპმა.
აშშ-ის კონგრესის შუალედური არჩევნების კამპანიის დასასრულს, აშშ-ის პრეზიდენტმა ჯო ბაიდენმა ამომრჩევლებთან შეხვედრები გამართა. ჯო ბაიდენმა ნიუ-იორკში არჩევნებს გადამწყვეტი მომენტი უწოდა, რომელიც მომდევო 20 წელს განსაზღვრავს.
ქუთაისში ჩასულ პოლონეთის ვიცე-სპიკერს, საკონცენტრაციო ბანაკის ტერიტორია, სადაც სანთლები უნდა დაენთო, დანაგვიანებული დახვდა. ტერიტორია მან თავად დაასუფთავა.
საქართველოს პრეზიდენტი სალომე ზურაბიშვილი სამუშაო ვიზიტით საფრანგეთს ეწვია. პრეზიდენტის პრესსამსახურის ინფორმაციით, მაღალი რანგის შეხვედრები სტრასბურგსა და პარიზში გაიმართება, სადაც პრეზიდენტი მონაწილეობას მიიღებს „დემოკრატიის მსოფლიო ფორუმსა“ და „პარიზის მშვიდობის ფორუმში“.
ტანზანიაში სამგზავრო თვითმფრინავის კატასტროფას სულ მცირე 19 ადამიანი ემსხვერპლა.
თბილისში, ლუბლიანას ქუჩაზე სავარაუდოდ უცხო ქვეყნის მოქალაქის ცხედარი იპოვეს. როგორც ცნობილი ხდება გარდაცვალება, სავარაუდოდ, ნარკოტიკული ნივთიერების ზედოზირებამ გამოიწვია.
