პარტნიორებმა მაქსიმუმ 3 დღე მოგვცეს... ჩვენ კი 200 დღის განმავლობაში არა მხოლოდ ვიბრძვით და ვიმარჯვებთ, არამედ ვწერთ მსოფლიოს ახალ ისტორიას, – ამის შესახებ უკრაინის ფრაქცია "ხალხის მსახურის" თავმჯდომარე, დავით არახამია Telegram-ის არხში წერს.
რუსეთის საგარეო საქმეთა მინისტრ სერგეი ლავროვის განცხადებით, რუსეთი არ ამბობს უარს უკრაინასთან მოლაპარაკებების გამართვაზე.
ლუგანსკის ოლქის სამხედრო ადმინისტრაციის ხელმძღვანელი სერგეი გაიდაი აცხადებს, რომ რუსები ლუგანსკის ოლქიდანაც გარბიან. ამის შესახებ გაიდაიმ ეროვნული ტელემარათონის ეთერში განაცხადა.
113-ე ცალკეული ტერიტორიული თავდაცვის ბრიგადის ჯარისკაცებმა ხარკოვის ოლქში ვასილენკოვე და არტემივკა გაათავისუფლეს - წერს ფეისბუქზე უკრაინის პრეზიდენტი, ვოლოდიმირ ზელენსკი.
უკრაინის ეროვნული უსაფრთხოების და თავდაცვის საბჭოს მდივანი ალექსეი დანილოვი აცხადებს, რომ უკრაინის ამოცანაა, რუსეთს მეზობლებზე თავდასხმის სურვილი დააკარგვინოს. ამის შესახებ უკრაინის ეროვნული უსაფრთხოების და თავდაცვის საბჭოს მდივანმა მედიასთან საუბრისას განაცხადა.
რუსულმა ძალებმა ხარკოვის კილოდნოგორსკის რაიონი დაბომბეს. არსებული ინფორმაციით, დაიღუპა ერთი და დაშავდა ორი ადამიანი.
უკრაინის შეიარაღებული ძალები აგრძელებენ დასახლებების გათავისუფლებას ხარკოვის რეგიონში და იუჟნობუგსკის მიმართულებით - ამის შესახებ უკრაინის შეიარაღებული ძალების გენერალური შტაბის ოპერატიულ ინფორმაციაშია ნათქვამი.
რუსები არ ნებდებიან! ისინი გარბიან! - ასე ეხმაურება უკრაინაში, ფრონტის ხაზზე მიმდინარე მოვლენებსა და უკრაინის შეიარაღებული ძალების წარმატებულ კონტრშეტევებს უკრაინის შს მინისტრის მრჩეველი ანტონ გერაშენკო.
უკრაინის პრეზიდენტის, ვოლოდიმირ ზელენსკის განცხადებით, ბოლო დღეებში უკრაინელებმა დაახლოებით 2 ათასი კილომეტრის ტერიტორია გაათავისუფლეს. ამის შესახებ უკრაინის პრეზიდენტმა საკუთარ ვიდეომიმართვაში განაცხადა.
უკრანული მედიის ინფორმაციით, კონტრშეტევითი ოპერაციის ფარგლებში, უკრაინის არმიის სამხედროები უკვე ლუგანსკის ოლქის ქალაქ ლისიჩანსკის გარეუბნებში იმყოფებიან. მედიის ცნობით, ამის შესახებ განცხადება ლუგანსკის ოლქის სამხედრო ადმინისტრაციის ხელმძღვანელმა, სერგეი გაიდაიმ გააკეთა.
