პრეზიდენტ ვლადიმირ ზელენსკის საქართველოს ყოფილი პრეზიდენტის მიხეილ სააკაშვილის დაკავებასთან დაკავშირებული სიტუაცია პირად კონტროლზე ჰყავს აყვანილი, - მედიის ინფორმაციით, ამის შესახებ უკრაინის პრეზიდენტის ოფისის ხელმძღვანელის მრჩეველმა მიხეილ პოდოლიაკმა განაცხადა.
12:00 საათის მდგომარეობით, ამომრჩეველთა აქტივობამ 17.72% შეადგინა, რაც რაოდენობრივად 619 562 ამომრჩეველია. ამის შესახებ ცესკოს სპიკერმა ნათია იოსელიანმა ბრიფინგზე განაცხადა.
ჩვენ ვრჩებით შეშფოთებულნი დემოკრატიის კუთხით საქართველოს განგრძობადი უკუსვლით, პოლიტიკური პოლარიზაციით და წინასაარჩევნო ძალადობის შესახებ ცნობებით, - ამის შესახებ „ამერიკის ხმის“ ქართულ რედაქციასთან საუბრისას კონგრესის წარმომადგენელთა პალატის საგარეო კომიტეტის თავმჯდომარე, დემოკრატი კონგრესმენი გრეგორი მიკსი და კომიტეტის წამყვანი რესპუბლიკელი წევრი, მაიკლ მაკკოლი აცხადებს.
ახალგაზრდა იურისტთა ასოციაციის დამვირვებლებმა რამდენიმე უბანზე ამომრჩევლის აღრიცხვისა და უკანონოდ განთავსებული სააგიტაციო მასალის ჩამოხსნის მიზნით სამართალდამცავებს გამოუძახეს. ამის შესახებ საიას დირექტორმა ნიკა სიმონიშვილმა განაცხადა.
"დღევანდელი არჩევნების მიმართ ინტერესი და ყურადღება ძალიან დიდია... აშშ-ის, თეთრი სახლის, ვაშინგტონის ყურადღება მოპყრობილია საქართველოზე", - ამის შესახებ საქართველოში აშშ-ის ელჩმა კელი დეგნანმა მარნეულში განაცხადა, სადაც ის არჩევნების მიმდინარეობის პროცესს აკვირდება.
პრემიერ-მინისტრის, ირაკლი ღარიბაშვილის განცხადებით, უკრაინასთან ბოლო პერიოდში საკმაოდ ნაყოფიერი თანამშრომლობა შედგა. ამის შესახებ ღარიბაშვილმა საარჩევნო უბანზე, ხმის მიცემის შემდეგ განაცხადა, მესამე პრეზიდენტის, მიხეილ სააკაშვილის დაკავებასთან დაკავშირებით.
როგორც საქართველოს მეგობარსა და მხარდამჭერს, იმედი მაქვს, რომ ეს დღე იქნება დღე, როდესაც დემოკრატია მიაღწევს თითოეულ მოქალაქემდე. ეს არის მნიშვნელოვანი არჩევნები საქართველოს მომავლისთვის და დემოკრატიის ტესტი, რომელიც დამაჯერებლად უნდა ჩააბაროს, - ამის შესახებ ევროკავშირის ელჩმა საქართველოში, კარლ ჰარცელმა განაცხადა.
საქართველოში ამერიკის ელჩის კელი დეგნანის განცხადებით, ყოფილი პრეზიდენტის მიხეილ სააკაშვილის საქმე საქართველოს სასამართლოს და მართლმსაჯულების სისტემის ტესტი იქნება.
შინაგან საქმეთა სამინისტრომ იმ ბინის მეპატრონე დააკავა, რომელშიც საქართველოს ყოფილი პრეზიდენტი, მიხეილ სააკაშვილი იმყოფებოდა. ცენტრალური კრიმინალური პოლიციის დეპარტამენტის დირექტორის, მამუკა ჭელიძის ცნობით, დანაშაულის დაფარვის ბრალდებით დაკავებულია 1958 წელს დაბადებული პირი.
ცესკოს ინფორმაციით, ამ დროისთვის ამომრჩეველთა აქტივობამ ქვეყნის მასშტაბით, 7.41% შეადგინა, რაც 259 273 ამომრჩეველია.
