ახლაც ვაკეთებთ კვლევას და მთლიანად საქართველოში ტურისტული აქტივობა არ შენელებულა, მათ შორის, საკმაოდ მაღალია ბათუმში, თუ გასული წლის შესაბამის თვეებთან შევადარებთ - ამის შესახებ ლევან დავითაშვილმა მედიის წარმომადგენლებთან დასმული კითხვების საპასუხოდ განაცხადა.
გამოწვევების მიუხედავად, საქართველოს აქვს ერთ-ერთი ყველაზე მაღალი ეკონომიკური ზრდა ფართო რეგიონის, ევროპის და ევროკავშირის წევრობის კანდიდატ ქვეყნებს შორის, - ამის შესახებ ეკონომიკისა და მდგრადი განვითარების მინისტრმა, პირველმა ვიცე-პრემიერმა ლევან დავითაშვილმა ელჩების კონფერენციაზე სიტყვით გამოსვლისას განაცხადა.
გარემოს დაცვისა და სოფლის მეურნეობის სამინისტროს ეროვნული სატყეო სააგენტოს რეგიონული სატყეო სამსახურების თანამშრომლებმა, მიმდინარე წელს, 721 სამართალდარღვევის ფაქტი გამოავლინეს.
საქართველოში მზესუმზირის ზეთის იმპორტი გაიზარდა. სტატისტიკის ეროვნული სამსახურის მონაცემებით, წელს იანვარ-ნოემბერში ქვეყანაში 41 606 ტონა (44.539 მლნ აშშ დოლარი) პროდუქტი შემოვიდა, წინა წლის იგივე პერიოდში 36 966 ტონა (39.893 მლნ აშშ დოლარი).
ეროვნული ბანკის ინფორმაციით, ნოემბერში დეპოზიტების მოცულობა, წინა თვესთან შედარებით, 439.6 მლნ ლარით გაიზარდა და 57.96 მილიარდი ლარი შეადგინა.
საქართველოს მთავრობის დადგენილებით, 3, 6, 8, 9 და 10 იანვარი უქმე დღეებად გამოცხადდა. დადგენილება უკვე გამოქვეყნდა საკანონმდებლო მაცნეზე.
სატვირთო ავტომობილების გატარებიდან მიღებული შემოსავალი შემცირდა. ნაერთი ბიუჯეტის შემოსულობების მიხედვით (კონსოლიდაციის გარეშე) 2024 წლის იანვარ-ნოემბერში ხაზინაში ტრაილერების გატარებიდან 164 486 563 ლარი შევიდა, 2023 წლის ანალოგიურ პერიოდში - 166 680 298 ლარი.
საქართველოს პრემიერ-მინისტრი ირაკლი კობახიძე, პირველ ვიცე-პრემიერთან, ეკონომიკისა და მდგრადი განვითარების მინისტრ ლევან დავითაშვილთან ერთად, მსხვილი ბიზნესის წარმომადგენლებს შეხვდა. მთავრობის ადმინისტრაციის მიერ გავრცელებულ პრესრელიზში აღნიშნულია, რომ შეხვედრაზე ქვეყანაში მიმდინარე მოვლენები განიხილეს.
ეკონომიკის მინისტრის, ლევან დავითაშვილის განცხადებით, ირაკლი კობახიძესა და კერძო ბიზნესის წარმომადგენლებს შორის მომავალშიც გაიმართება შეხვედრა, სადაც უფრო მეტად წარმოდგენილი იქნებიან იმ ბიზნესების ლიდერები, რომლებიც ხელისუფლებისგან განსხვავებულ პოზიციაზე არიან.
საქართველოს ეროვნულმა ბანკმა ნოემბერში $43 მილიონი დოლარის ღირებულების ოქრო გაყიდა - ამის შესახებ თავად სებ-ის მიერ გამოქვეყნებული ანგარიშიდან ხდება ცნობილი.
