საქართველოში ევროკავშირის წარმომადგენლობა შოვში 3 აგვისტოს მომხდარ სტიქიას ეხმაურება და ქართველ ხალხს სოლიდარობას უცხადებს.
ქნესეთის თავმჯდომარე ამირ ოხანა უსამძიმრებს დაღუპულთა ოჯახებს, დაშავებულებს სწრაფ გამოჯანმრთელებას, ხოლო ქართველ ხალხს მხნეობასა და გამძლეობას უსურვებს, – ამის შესახებ საქართველოში ისრაელის საელჩოს განცხადებაშია ნათქვამი.
დედაქალაქის მერის, კახა კალაძის განცხადებით, ახლა საჭიროა ერთმანეთის გვერდით დგომა, რაჭაში მომხდარი ტრაგედიის დროს გარდაცვლილთა ოჯახებისადა ახლობლების გამხნევება.
გარემოს დაცვის და სოფლის მეურნეობის მინისტრის, ოთარ შამუგიას განცხადებით, სპეციალისტები ამბობენ, რომ სტიქიური მოვლენები იმდენად სწრაფად განვითარდა, რომ ტრაგედიის თავიდან აცილება შეუძლებელი იყო.
ჯანდაცვის მინისტრ ზურაბ აზარაშვილის განცხადებით, შოვში სამძებრო-სამაშველო სამუშაოები ღამითაც აქტიურად მიმდინარეობს, რათა ადამიანების ამოყვანის შანსი მაქსიმალურად იყოს გამოყენებული.
მოვუწოდებ მოქალაქეებს, არ სცადონ შემოვლითი გზებით სტიქიის ადგილას შეღწევა, ეს უსაფრთხო არ არის,- ამის შესახებ საგანგებო სიტუაციების მართვის სამსახურის უფროსმა, თემურ მღებრიშვილმა განაცხადა.
უნგრეთის პრეზიდენტი კატალინ ნოვაკი სალომე ზურაბიშვილსა და ქართველ ხალხს შოვში მეწყერის შედეგად დაღუპულთა გამო სამძიმარს უცხადებს.
სოცქსელებში რაღაც საბანკო ანგარიშები გამოქვეყნებულა, არის მოწოდება თანხის შეგროვებისკენ, მათ შორის მეც ვნახე ერთი და იმავე საბანკო ანგარიში ორ სხვადასხვა გვერდზე, არ მინდა, არავის გულწრფელობაში შევიტანო ეჭვი, მაგრამ რა თქმა უნდა, ასეთ დროს არის დიდი რისკი თაღლითობის, – ამის შესახებ პარლამენტის თავმჯდომარემ, შალვა პაპუაშვილმა განაცხადა.
