ამერიკის შეერთებული შტატების პრეზიდენტის განცხადებით, აშშ დაიცავს NATO-ს თითოეულ სანტიმეტრს, მაგრამ არ განალაგებს სამხედრო ძალას უკრაინაში. ამის შესახებ ჯო ბაიდენმა დღეს გამართულ ბრიფინგზე განაცხადა, მისი თქმით, აშშ-ის სამხედრო ძალები არ არიან და არ იქნებიან ჩართული უკრაინაში რუსეთთან კონფლიქტში.
უკრაინის პრეზიდენტის აპარატის უფროსის მრჩეველმა მიხაილო პოდოლიაკმა დაადასტურა ინფორმაცია ოკუპანტების მიერ ჩერნობილის ატომური ელექტროსადგურის დაკავების შესახებ.
რუსეთის მოქალაქემ უკრაინაში ომის გასაპროტესტებლად უკრაინის საელჩოსთან პასპორტი დაწვა.
რუსეთის საოკუპაციო ძალები ჩერნობილის ატომური ელექტროსადგურის ხელში ჩაგდებას ცდილობენ. ჩვენი დამცველები სიცოცხლეს წირავენ, რომ 1986 წლის ტრაგედია არ განმეორდეს, - ამის შეახებ უკრაინის პრეზიდენტი ვლადიმერ ზელენსკი „ტვიტერში“ წერს.
რესპუბლიკის მოედანზე უკრაინის მხარდამჭერი აქცია მიმდინარეობს. ამ წუთებში, აქციის მონაწილეები რესპუბლიკის მოედნიდან თავისუფლების მოედნისკენ მსვლელობით მიემართებიან. აქციის ორგანიზატორია პოლიტიკური მოძრაობა "დროა", თუმცა მას შეუერთდნენ ოპოზიციური პოლიტიკური პარტიები "ლელო", "გირჩი", ერთიანი ნაციონალური მოძრაობა" და "ევროპული საქართველო", ასევე "სირცხვილიას" და "შეცვალეს" აქტივისტები.
NATO-ს გენერალურმა მდივანმა იენს სტოლტენბერგმა საგანგებო მიმართვის დროს განაცხადა, რომ რუსეთი იმისთვის, რაც გააკეთა უკრაინასთან მიმართებით, დიდ საფასურს გადაიხდის.