კიევსა და მოსკოვს შორის ტყვეების მორიგი გაცვლის შედეგად, უკრაინაში 45 მეომარი დაბრუნდა. ასევე, უკრაინამ დაიბრუნა ორი სამხედროს ცხედარი. ამის შესახებ ინფორმაცის უკრაინის პრეზიდენტის ოფისის ხელმძღვანელი ანდრეი ერმაკი ავრცელებს.
ერმაკის განცხადებით, გათავისუფლებულებს შორის არიან ჯარისკაცები და სერჟანტები.
„შედგა ტყვეთა მორიგი გაცვლა – შევძელით უკრაინის შეიარაღებული ძალების 45 მეომრის გათავისუფლება. მათ შორის არიან ჯარისკაცები და სერჟანტები, რომლებიც ბრძოლებში იცავდნენ ჩვენს სახელმწიფოს. ასევე, შევძელით ორი დაღუპული დამცველის ცხედრის დაბრუნება“, – წერს ანდრეი ერმაკი „ტელეგრამ არხში“.
