ნატო–ს გენერალურმა მდივანმა იენს სტოლტენბერგმა განაცხადა, რომ უკრაინას შეუძლია მოიგოს ეს ომი.
"რუსეთის ომი უკრაინაში არ მიდის ისე, როგორც მოსკოვმა დაგეგმა. მან ვერ აიღო კიევი. ისინი უკან იხევენ ხარკოვის გარშემო. მათი მთავარი შეტევა დონბასში შეჩერებულია. რუსეთი ვერ აღწევს თავის სტრატეგიულ მიზნებს", - აღნიშნა სტოლტენბერგმა.
ნატო-ს გენმდივნის თქმით, უკრაინელები მამაცურად იცავენ საკუთარ სამშობლოს, ამაში კი მათ მოკავშირეები ეხმარებიან, რომლებმაც ოფიციალურ კიევს მილიარდობით დოლარის ოდენობის დახმარება მიაწოდეს.
