უკრაინის გენშტაბის ცნობით, ხერსონის მიმართულებით მობილიზებულ რუს ოკუპანტებს ტანსაცმელი, ფეხსაცმელი და აღჭურვილობა არ აქვთ.
"რუსეთის სამხედრო სარდლობას მობილიზებული მოქალაქეების მატერიალურ მხარდაჭერასთან დაკავშირებით პრობლემები აქვს. ასე რომ, ხერსონის მიმართულებით მობილიზებული რუსი სამხედროები ცუდი აღჭურვილობით გამოირჩევიან, უმრავლესობას არ აქვს სამხედრო ფეხსაცმელი და უნიფორმისა და აღჭურვილობის სხვა ელემენტები," - განაცხადა გენერალურმა შტაბმა.
ასევე, გენშტაბის ცნობით, რუსეთის საოკუპაციო ძალების მობილიზებული პერსონალი ომში ოპერატიული სიტუაციის გათვალისწინებით იგზავნება, სარდლობა კი მათი მზადყოფნის დონეს არ ითვალისწინებს.
