უკრაინის პრეზიდენტის, ვოლოდიმირ ზელენსკის განცხადებით, რუსული მხარე არ თანხმდება აქამდე შეთავაზებულ არცერთ ვარიანტს "აზოვსტალიდან" უკრაინელი სამხედროების ევაკუაციასთან დაკავშირებით. ამის შესახებ განცხადება მან მალტის პარლამენტში გამოსვლის დროს გააკეთა.
"ჩვენ ვიყენებთ ყველა შესაძლო დიპლომატიურ ინსტრუმენტს უკრაინელი სამხედროების გადასარჩენად, მაგრამ რუსეთი არც ერთ შეთავაზებას არ თანხმდება.
ჩვენ ჩვენს პარტნიორებს ვთხოვეთ საჭირო იარაღი მარიუპოლის განსაბლოკად, მაგრამ ზუსტად ის იარაღი, ზუსტად იმ მოცულობით, რომელიც ამისთვისა საჭიროა, ამჟამად ხელმისაწვდომი არაა," - განაცხადა უკრაინის ლიდერმა.
