რუსმა ოკუპანტებმა მარიუპოლში დაუდგენელი ქიმიური ნივთიერება გამოიყენეს. ამის შესახებ ინფორმაციას უკრაინული მედია „აზოვის პოლკზე“ დაყრდნობით ავრცელებს.
როგორც „აზოვის პოლკის“ განცხადებაშია ნათქვამია, საოკუპაციო ძალებმა მარიუპოლში უკრაინელი სამხედროებისა და სამოქალაქო პირების წინააღმდეგ უცნობი წარმომავლობის მომწამვლელი ნივთიერება გამოიყენეს, რომელიც მტრის ძალების უპილოტო საფრენი აპარატიდან ჩამოაგდეს.
ვრცელდება ინფორმაცია, რომ დაშავებულებს სუნთქვის უკმარისობა აღენიშნებათ. მედიის ცნობით, დაუდგენელი ნივთიერების გამოყენების შედეგები ზუსტდება.
