უკრაინის პრეზიდენტის ადმინისტრაციის უფროსის მრჩეველი, მიხაილო პოდოლიაკი, ოკუპანტების მიერ განადგურებული მარიუპოლის კადრებს ავრცელებს და twitter-ზე წერს, რომ მარიუპოლში ოკუპანტებმა ათობით ათასი მშვიდობიანი მოქალაქე მოკლეს და შენობების 90% გაანადგურეს, მსოფლიო კი დუმს.
"მარიუპოლი - სიკვდილი აქ რუსეთის დროშის ქვეშ მოვიდა. ათობით ათასი მშვიდობიანი მოქალაქე მოკლეს, შენობების 90% გაანადგურეს. უკრაინელი სამხედროები გარშემორტყმული არიან. დასაწყისშივე ვთხოვდით ჩვენს პარტნიორებს შანსს - ტანკებსა და თვითმფრინავებს. მსოფლიო დუმს და გენოციდს ონლაინ უყურებს". – წერს პოდოლიაკი.
