ბრიუსელში ევროპული საბჭოს პრეზიდენტმა შარლ მიშელმა განცხადება გააკეთა, სადაც ისაუბრა ბუჩაში არსებულ უმძიმეს ვითარებაზე და აღნიშნა, რომ ევროკავშირი ამ სიტუაციას ვერ შეეგუება.
"ბუჩაში და ბევრ სხვა ქალაქში ნანახმა გვაჩვენა, რომ რუსეთის ბრუტალურ ქმედებებს საზღვარი არა აქვს. ქუჩაში დამწვარი ცხედრები და მასობრივი სასაფლაოები არაა სპეციალური ოპერაცია, ამას ომის დანაშაულები ჰქვია. ამ სიტუაციას ევროკავშირი ვერ შეეგუება, მომხდარის გამო რუსეთისთვის სერიოზული შედეგები დადგება. ყველაფერს გავაკეთებთ, რომ დამნაშავეები საერთაშორისო სასამართლოში გასამართლდნენ. მინდა რუს სამხედროებს მივმართო - თუ არ გსურთ კრიმინალები გერქვათ, თუ არა გსურთ თქვენი უკრაინელი დები და ძმები დახოცოთ, იარაღი დაყარეთ. ის რუსები,რომლებმაც უარი თქვეს იქ ბრძოლაზე, ეს ნამდვილად ღირსეული ქმედებაა. "– განაცხადა შარლ მიშელმა.
