ხარკოვის ოლქში რუსულმა ტანკმა ავტომობილი დაბომბა, რომელშიც ოჯახი ორ შვილთან, 9 წლის გოგონასა და 17 წლის ბიჭთან ერთად იმყოფებოდა. ინფორმაციას უკრაინული მედია ავრცელებს.
მედიის ინფორმაციით გოგონა მშობლებთან ერთად ადგილზევე დაიღუპა, ბიჭი კი მძიმედ დაიჭრა.
"ოჯახი ყვიროდა, რომ მშვიდობიანი მოქალაქეები იყვნენ, თეთრ დროშას აფრიალებდნენ, თუმცა უშედეგოდ. მშობლები და 9 წლის გოგო ადგილზე დაიღუპა, 17 წლის ბიჭმა ცეცხლსასროლი ჭრილობები მიიღო," - განაცხადეს უკრაინის გენპროკურორის ოფისში.
