ჩეჩნეთის პრომოსკოვური ხელისუფლები ხელმძღვანელი, რამზან კადიროვი, 300 ათასი რუბლის ერთჯერად გადახდას დაჰპირდა ყველა მოხალისეს, რომელიც უკრაინაში საბრძოლველად მიდის, - ამის შესახებ გამოცემა "სააგენტოზე" დაყრდნობით რადიო თავისუფლების რუსული სამსახური იუწყება.
ამავე დროს, კანდიდატების მოთხოვნები მინიმალურია – ისინი უბრალოდ უნდა იყვნენ "ჯანმრთელი" მამაკაცები 50 წლამდე, რომლებსაც შეიძლება არ ჰქონდეთ სამხედრო სამსახურის გამოცდილება ან საბრძოლო გამოცდილება. ისინი უკრაინაში გაიგზავნება გროზნოში მოხალისეთა დასაქმების ცენტრის მეშვეობით, რომელიც მდებარეობს დედაქალაქის მერიაში. შემდეგ მათ 10-დღიანი ინსტრუქტაჟი და ომში წასვლა ელოდებათ. ამავე დროს მათთან კონტრაქტი არ გაფორმდება.
როგორც "სააგენტო" აღნიშნავს, რომ სოციალურ ქსელ "ტელეგრამში" გამოქვეყნდა რამდენიმე ვიდეო, სადაც ნაჩვენებია იმ პირთა ტრენინგი, ვინც გამოეხმაურა გროზნოში მოხალისეების დაქირავების შესახებ განცხადებებს. ერთ-ერთი ასეთი ადამიანი არის ტამბოვის 47 წლის მკვიდრი იური ტატარინცევი. სასამართლო გადაწყვეტილებების მონაცემთა ბაზის თანახმად, იგი ადრე ნასამართლევი იყო მკვლელობის, გატაცებისა და იარაღის შენახვისთვის.
მარტის შუა რიცხვებში რამზან კადიროვმა განაცხადა, რომ უკრაინაში საბრძოლველად გროზნოდან პირველი ათასი მოხალისე გაემგზავრა.
