ვფიქრობ, პრეზიდენტ პუტინს კვლავ სურს კიევის ოკუპაცია, თუმცა მათი იდეები, მისია და იმედი მთელ უკრაინას ეხება, რომ დავკარგოთ დამოუკიდებლობა და სუვერენიტეტი. თუმცა, ვფიქრობ, ყველამ გაიგო, რომ თუ არ შეუძლიათ დედაქალაქის ოკუპაცია, მათ არ შეუძლიათ უკრაინის ოკუპაცია“, – ამის შესახებ უკრაინის პრეზიდენტმა, ვოლოდიმირ ზელენსკიმ „ბიბისისთან“ ინტერვიუში განაცხადა.
„ჩვენ გვესმის, რომ ჩვენი დარტყმები, გამძლეობა, დეოკუპაციის სისწრაფე და ჩვენი უნარი, არ დავკარგოთ მოტივაცია, დამოკიდებულია თანამედროვე, ძლიერ იარაღზე და როდესაც მას გვაწვდიან, ეს აჩქარებს დეოკუპაციას და მშვიდობას.
იარაღი ერთადერთი ენაა, რომელიც რუსეთს ესმის. მე მათ ამ ენაზე ვპასუხობ. ისინი ამას არ მოელოდნენ, თუმცა ახლა იციან“, – განაცხადა ზელენსკიმ.
ჟურნალისტის კითხვაზე, მოსალოდნელია თუ არა ბელარუსიდან თავდასხმა, ზელენსკი მიიჩნევს, რომ პუტინი ახლა ამისთვის მზად არ არის და ეს იქნებოდა დიდი შეცდომა როგორც პუტინისთვის, ასევე ბელარუსისთვის, რადგან ახლა უკვე ისეთი ძლიერები ვეღარ არიან.
„უკრაინას სურს უსაფრთხოების გარანტიები. ამიტომ ნებისმიერი ტერიტორიული კომპრომისი მხოლოდ დაასუსტებს ჩვენს სახელმწიფოს. ჩვენს ცხოვრებაში მილიონობით კომპრომისია, ყოველდღიურად. კითხვა მდგომარეობს ვისთან? კომპრომისი პუტინთან? არა. რატომ? რადგან არ გვჯერა. ჩვენ შეიძლება რამეზე შევთანხმდეთ და მეორე დღეს ის ჯარებს შეიყვანს. არ შეიძლება, რაიმე შეთანხმება გქონდეთ იმათთან, ვინც მას არ იცავს“, – აღნიშნა უკრაინის პრეზიდენტმა.
