უკრაინის შინაგან საქმეთა მინისტრის მრჩევლის, ანტონ გერაშენკოს განცხადებით, რუს სამხედროებს "აზოვსტალის" ქარხანაში შესასვლელი საიდუმლო გვირაბების შესახებ ინფორმაცია ქარხნის ყოფილმა თანამშრომელმა მიაწოდა.
"რუსმა ნაძირლებმა ქარხნის თანამშრომლებს შორის მოღალატე იპოვეს. ელექტრიკოსი, რომელმაც მათ მიწისქვეშა გვირაბები აჩვენა. მოღალატეებისგან მიღებული ინფორმაციის გამოყენებით, გუშინ რუსებმა გვირაბზე შტურმი დაიწყეს",-თქვა გერაშენკომ.
ცნობისთვის, ქარხანაზე შტურმი გუშინ განახლდა. დღეს კი რუსი სამხედროები "აზოვსტალის" ქარხანაში შეიჭრნენ. ცოტა ხნის წინ გავრცელდა „აზოვის“ პოლკის მეთაურის საგანგებო მიმართვაც.
