ევროკავშირი უკრაინასა და არასამთავრობო ორგანიზაციებს აუცილებელი მტკიცებულებების შეგროვებაში ეხმარება, შემდგომი სანქციები და მხარდაჭერა უკვე გზაშია, – ამის შესახებ ევროპული საბჭოს პრეზიდენტი, შარლ მიშელი სოციალურ ქსელში წერს.
„შოკირებული ვარ გათავისუფლებულ კიევის ბუჩას რეგიონში რუსეთის არმიის მიერ ჩადენილი სისასტიკის ამსახველი ამაღელვებელი კადრებით.
ევროკავშირი უკრაინასა და არასამთავრობო ორგანიზაციებს აუცილებელი მტკიცებულებების შეგროვებაში ეხმარება საერთაშორისო სასამართლოებში წარსადგენად. ევროკავშირის შემდგომი სანქციები და მხარდაჭერა უკვე გზაშია. დიდება უკრაინას!“,- წერს შარლ მიშელი.
