ჩეჩნეთის მეთაურმა რამზან კადიროვმა ვიდეო გამოაქვეყნა თავის თანაშემწე - სპეცდანიშნულების რაზმის „ახმატის“ ლიდერთან, აფტი უდინოვთან და ე.წ გრანდიოზულ გეგმაზე ისაუბრა, რომელიც ნატოს წევრი ქვეყნების დემილიტარიზაციას გულისხმობს.
კადიროვის განცხადებით, შექმნილია გრანდიოზული გეგმა ნატო-ს ქვეყნების დემილიტარიზაციის შესახებ, რომელთაგან პირველი, „კიევის აღების შემდეგ“, პოლონეთი იქნება. ამის შესახებ რუსული სააგენტო მედიაც იუწყება.
„გეგმები გრანდიოზულია. ჩვენ უკვე შევიმუშავეთ ნატოს წევრი ქვეყნების დემილიტარიზაციის გეგმა. რიგში პირველი, კიევის აღების შემდეგ, პოლონეთი დგას“ , - წერს კადიროვი სოციალურ ქსელ „ტელეგრამში“.
