უკრაინაში რუსული აგრესიის 101-ე დღეს ოკუპანტები არ წყვეტენ შეტევით ოპერაციებს ქვეყნის აღმოსავლეთის ოპერატიულ ზონაში და კვლავ აგრძელებენ სარაკეტო და ავიადარტყმებს უკრაინის სამხედრო და სამოქალაქო ინფრასტრუქტურის ობიექტებზე, ამის შესახებ უკრაინის შეიარაღებული ძალების გენერალური შტაბი იტყობინება.
გენშტაბის ცნობით, ბრძოლები მიმდინარეობს სლობოჟანსკის მიმართულებით. რუსული ძალების მხრიდან ამ ტერიტორიაზე ხდება ახალი შეიარაღებისა და ტექნიკის შეყვანა. ხარკოვში ოკუპანტების ძირითადი ძალისხმევა მიმართულია ოკუპირებული საზღვრების შენარჩუნებაზე.
როგორც გენშტაბის ინფორმაციაშია აღნიშნული, დონეცკის მიმართულებით, რუსული ჯარები ნაღმმტყორცნებით, არტილერიითა და სარაკეტო დანადგარებით ზიანს აყენებენ უკრაინული ძალების პოზიციებს ფრონტის მთელ ხაზზე, მაგრამ აგრესორების წინსვლის ტემპები დაბალი მათი პერსონალის ფიზიკური დაღლილობისა და დაბალი მორალური მდგომარეობის გამო.
უკრაინის გენშტაბის ცნობითვე, ოკუპანტები ძირითად ძალისხმევას მიმართავენ სევეროდონეცკსა და ბახმუტზე.
