უკრაინის თავდაცვის მინისტრი ალექსეი რეზნიკოვი აშშ-ს პრეზიდენტის ჯო ბაიდენის Lend-Lease-ის აქტზე ხელის მოწერის ფაქტს გამოეხმაურა და და აღნიშნა რომ ისტორია მეორდება.
"აშშ-მა უკრაინისთვის Lend-Lease-ის აქტს ხელი მოაწერა. ისტორია თავისით მეორდება. 1941 წელს ჩერჩილმა აშშ ფაშიზმის დასამარცხებლად Lend-Lease-ის აუცილებლობაში დაარწმუნა. 2022 წელს ზელენსკიმ იგივე გააკეთა რაშიზმის დასამარცხებლად". - წერს twitter-ზე რეზნიკოვი.
შეგახსენებთ, რომ 28 აპრილს აშშ-ის კონგრესმა ლენდ ლიზის პროგრამა დაამტკიცა, რომელიც საშუალებას მისცემს ვაშინგტონს, უკრაინას შეიარაღება უფრო სწრაფად და ეფექტური გზით გადასცეს. აშშ-ს პრეზიდენტმა ჯო ბაიდენმა კი Lend-Lease-ის კანონპროექტს ხელი გუშინ 9 მაისს მოაწერა.
