დუბაიში ახალი საკრუიზო სეზონის გახსნა ძვირადღირებული ლაინერის Mein Schiff 2-ის ჩასვლით აღინიშნა. გემი პორტ მინა რაშიდში, ჰამდან ბინ მუჰამედის საკრუიზო ტერმინალზე ჩამოდგა, რაც კრუიზების მოყვარულთათვის კიდევ ერთი საინტერესო პერიოდის დაწყების ნიშანია.
სტუმართმოყვარეობითა და მსოფლიოში ცნობილი ატრაქციონებით განთქმული დუბაი ამ სეზონზე 150-მდე საკრუიზო გემის მიღებას გეგმავს. ამასთანავე, ახალ სეზონზე დუბაიდან საპრემიერო კრუიზს კომპანია Virgin Voyages-ის ლაინერი „Resilient Lady Ship“გააკეთებს, რომელიც ქალაქიდან ორი განსხვავებული მარშრუტით გაემგზავრება.
დუბაი წამყვან საკრუიზო ოპერატორებთან: MSC Cruises, TUI Cruises, Aida Cruises, Costa Cruises და Ponant Cruises აქტიურ თანამშრომლობას აგრძელებს. ქალაქი ასევე გეგმავს ცნობილი საკრუიზო ტურების მასპინძლობას: Cunard, P&O Cruises, Princess Cruises, Royal Caribbean Cruise Lines, Celebrity Cruises, Norwegian Cruises, Silversea Cruises და Cordelia Cruises.
დუბაი Cruise Arabia ალიანსის მთავარი წევრია და უფრო ხარისხიანი და ინტეგრირებული საკრუიზო სერვისების დანერგვის მიზნით აქტიურად თანამშრომლობს ალიანსთან. აერთიანებს რა საკვანძო პორტებს, მათ შორის აბუ დაბის, ბაჰრეინს და ომანს, Cruise Arabia ალიანსი მიზნად ისახავს რეგიონის, როგორც გლობალური საკრუიზო ცენტრის პოპულარიზაციას.
საკრუიზო ინდუსტრიის გამორჩეული წარმატება
ბოლო წლებში დუბაიმ მნიშვნელოანი ნაბიჯები გადადგა წინ მსოფლიო საკრუიზო ინდუსტრიაში დუბაის ლიდერობის განსამტკიცებლად. დუბაის პორტი მინა რაშიდი World Travel Awards -ის მიხედვით, 2023 წლის ახლო აღმოსავლეთის საუკეთესო საკრუიზო პორტად დასახელდა, ხოლო 2021 წელს დუბაის ჰარბორმა საუკეთესო ახალი საკრუიზო პორტის ტიტული დაიმსახურა პირველ ყოველწლიურ დაჯილდოებაზე - World Cruise Awards. ეს ჯილდოები დუბაის, როგორც საკრუიზო დანიშნულების ადგილის მზარდ პოპულარობას უსვამს ხაზს.
მდგრადი განვითარება დუბაის საკრუიზო ინდუსტრიის მთავარი პრიორიტეტია. საამირო აქტიურად უჭერს მხარს ისეთ მაღალტექნოლოგიურ საკრუიზო ლაინერების, რომლებიც თხევად ბუნებრივ აირზე (LNG) მუშაობენ, როგორებიცაა MSC World Europa და Costa Toscana. ეს ეკოლოგიისადმი საამიროს მაღალ პასუხისმგებლობაზე მიუთითებს.
„დუბაის საკრუიზო ინდუსტრიის ზრდა ძირითად პარტნიორებთან უწყვეტი თანამშრომლობისა და მხარდაჭერის შედეგია. უფრო და უფრო მეტი საკრუიზო ოპერატორი დუბაის საბაზისო პორტად ირჩევს. მრავალფეროვანი შესაძლებლობები, ხელსაყრელი გეოგრაფიული მდებარეობა აღმოსავლეთსა და დასავლეთს შორის, პირველი კლასის ინფრასტრუქტურა, შესანიშნავი საჰაერო და საზღვაო კავშირები - ეს ყველაფერი იზიდავს საკრუიზო გემებს დუბაიში. ჩვენ მოუთმენლად ველით კიდევ ერთ წარმატებულ სეზონს, რაც Mein Schiff 2-ის ჩასვლით დაიწყო და მნიშვნელოვანი ეტაპი იქნება დუბაის, როგორც რეგიონის წამყვანი საკრუიზო დანიშნულების ადგილის პოპულარიზაციისთვის,” - განაცხადა დუბაის ტურიზმისა და კომერციული მარკეტინგის კორპორაციის (DCTCM) აღმასრულებელმა დირექტორმა, ისამ ქაზიმმა.
„გასული სეზონი ადასტურებს, რომ დუბაის საპორტო ინფრასტრუქტურა ტურიზმის ახალი ეპოქისთვის მზადაა. გასულ საკრუიზო წელს დუბაის ჰარბორის ტერმინალი 300 ათას მგზავრს მოემსახურა, რაც თითქმის 4-ჯერ აღემატება პირველ საკრუიზო სეზონს. წინასთან შედარებით გემების ვიზიტების რაოდენობა 40%-ით გაიზარდა, რაც დუბაის საკრუიზო ინდუსტრიის ზრდასა და განვითარებაზე მეტყველებს. 2023-2024 წლების სეზონისთვის ცნობილი ოპერატორების გემების დიდ რაოდენობას ველოდებით დუბაის ჰარბორის ტერმინალში, რომელიც უმსხვილესი საკრუიზო პორტია რეგიონში. მოხარული ვართ წვლილი შევიტანოთ საზღვაო ტურიზმის დინამიკურ განვითარებაში, რათა მგზავრები უკონკურენტო მოგზაურობის გამოცდილებით უზრუნველვყოთ“, - განაცხადა დუბაის ჰარბორის მფლობელმა და კურატორმა, შამალ ჰოლდინგის პორტფოლიოს დირექტორმა აბდულა ბინჰაბტურმა.
„მოხარული ვართ 2023-2024 წლების სეზონისთვის ჩვენს უახლეს საკრუიზო ტერმინალებში მივესალმოთ მოგზაურებს მთელი მსოფლიოდან. მინა რაშიდის პორტის ინფრასტრუქტურაში ინვესტიცია ხაზს უსვამს ჩვენს ვალდებულებას მხარი დავუჭიროთ საკრუიზო ტურიზმის მუდმივ ზრდას დუბაიში და მივაწოდოთ სტუმრების უმაღლესი გამოცდილება მათი ჩამოსვლის მომენტიდან. დუბაი მნიშვნელოვანი გამგზავრების წერტილი და სასურველი დანიშნულების ადგილი გახდა საკრუიზო მარშრუტებისთვის ახლო აღმოსავლეთსა და სპარსეთის ყურეში. ჩვენ მოუთმენლად ველით კიდევ ერთ წარმატებულ სეზონს. ველოდებით გასულ სეზონთან შედარებით სტუმრების რაოდენობის 28%-იან ზრდას“- განაცხადა ჰამზა მუსტაფამ, DP World ჯგუფის ოპერაციულმა დირექტორმა.
დუბაის, როგორც საკრუიზო დანიშნულების ადგილის, მიმზიდველობა, რა მხოლოდ მისი ნავსადგურების სილამაზითაა განპირობებული, არამედ იმ ტერმინალებით რომლებსაც მსოფლიოს უდიდესი საკრუიზო გემების განთავსება შეუძლიათ. დუბაის მდებარეობა მთავარი კარიბჭის როლს ასრულებს რეგიონში, დაკავშირებულია რა დუბაის საერთაშორისო აეროპორტთან (DXB) და ორ მთავარ საკრუიზო პორტთან. ქალაქი აგრძელებს საკრუიზო ტერმინალის ინფრასტრუქტურაში ინვესტიციების დაბანდებას, რაც გემის მგზავრებს შესვლას და ვიზების აღებას გაუადვილებს.
მთავარი საკრუიზო ტერმინალები
ორი დიდი საკრუიზო ტერმინალის საშუალებით დუბაი საზღვაო მოგზაურობისთვის კომფორტულ გარემოს უზრუნველყოფს:
პორტი Mina Rashid ერთდროულად შვიდ საკრუიზო გემს იტევს. პორტში განთავსებულია სხვადასხვა რესტორანი, მაღაზია და გასართობი ობიექტი. ტერმინალი არაერთხელ იქნა აღიარებული ახლო აღმოსავლეთის წამყვან საკრუიზო პორტად. სთავაზობს რა მგზავრებს განსაკუთრებულად კომფორტულ საკრუიზო მომსახურებას, მსოფლიოს სხვა საკრუიზო პორტებსაც მაღალ სტანდარტებს უწესებს.
Dubai Harbour დუბაის ნავსადგური - ერთ-ერთი ყველაზე თანამედროვე უდიდესი საკრუიზო ტერმინალია რეგიონსა და აღმოსავლეთში, იტევს ყველაზე დიდ საკრუიზო გემებსაც კი. ნავსადგური 2021 წელს გაიხსნა და ის მსოფლიოში პირველი ტერმინალია, სადაც განთავსებულია თხევად ბუნებრივ აირზე LNG-ზე მომუშავე საკრუიზო გემი. ნავსადგური საკულტო Palm Jumeirah-სა და Bluewaters-თან ახლოს მდებარეობს და სრულად აღჭურვილი ნავმისადგომები, ასევე სასადილოების, შოპინგის, გართობისა და დასვენების მრავალფეროვან არჩევანი აქვს. ტერმინალის კარგად განვითარებული ინფრასტრუქტურა ძვირადღირებული იახტების ნავმისადგომებითა და მსოფლიო დონის საზღვაო სატრანსპორტო საშუალებებით დუბაის ჰარბორს განსაკუთრებულ ხიბლს ანიჭებს და კრუიზის მგზავრებს პორტში შესვლისთანავე მოგზაურობის შეუდარებელ გამოცდილებას სთავაზობს.
(R)
