ავიაკომპანია Pegasus Airlines-ის თვითმფრინავი, რომელიც სტამბოლი-თბილისის რეისს ასრულებდა, უამინდობის გამო, თბილისის საერთაშორისო აეროპორტში ვერ დაეშვა.
როგორც თბილისის საერთაშორისო აეროპორტში აცხადებენ, აღნიშნულის გამო, თვითმფრინავი უკან, თურქეთში გაბრუნდა. სავარაუდოდ, რეისი მოგვიანებით შესრულდება.
„უამინდობის გამო, Pegasus-ის სტამბოლი-თბილისის რეისი ვერ დაჯდა თბილისის საერთაშორისო აეროპორტში და ბრუნდება სათადარიგო აეროდრომზე, თურქეთში. ამ მომენტისთვის მხოლოდ ამ რეისზეა საუბარი, სხვა რეისებზე ჯერ არ გვაქვს ასეთი შემთხვევა“, – განუცხადეს საქართველოს პირველ არხს თბილისის საერთაშორისო აეროპორტში.
