2022 წლის იანვარი-ნოემბრის თვეებში მოგზაურობიდან მიღებულმა შემოსავალმა გადააჭარბა 2019 წლის მაჩვენებელს და რეკორდული მაჩვენებელი 3,159,558,975 აშშ დოლარი დაფიქსირდა, – ინფორმაციას ტურიზმის ეროვნული ადმინისტრაცია ავრცელებს.
უწყების ცნობით, აღნიშნული მაჩვენებელი 2019 წლის ანალოგიური მაჩვენებლის 103.5%-ით აღდგენაა (ზრდა +108,134,426 აშშ დოლარი).
„2021 წლის იანვარი-ნოემბრის თვეებთან შედარებით, მოგზაურობიდან მიღებული შემოსავლები გაზრდილია +2,040,668,275 (+182.4%) აშშ დოლარით.
2022 წლის ნოემბრის თვეში მოგზაურობიდან მიღებულმა შემოსავალმა გადააჭარბა 2019 წლის მაჩვენებელს და 305,029,882 აშშ დოლარი შეადგინა, რაც 2019 წლის ანალოგიური მაჩვენებლის 151.2%-ით აღდგენაა, 2021 წლის ნოემბრის თვესთან შედარებით კი მოგზაურობიდან მიღებული შემოსავლები გაზრდილია +194,075,877 (+174.9%) აშშ დოლარით“, – აღნიშნულია ინფორმაციაში.
