საქართველოს პრემიერ-მინისტრობის კანდიდატი ირაკლი ღარიბაშვილი პარლამენტში „ფრაქცია ქართული ოცნების“ სხდომაზე დეპუტატებს თავის გეგმებს და ხედვებს აცნობს.
მან სხვა საკითხებთან ერთად ტურიზმზე და დარგის წინაშე არსებულ გამოწვევებზე ისაუბრა.
„ძალიან ბევრი შეიძლება ვისაუბროთ ტურიზმზე, თუმცა კოვიდ-პანდემიის გამო პრობლემებია ამ სექტორშიც. ეროვნული წარმოების განვითარება, რეგიონების გაძლიერება, გამართული ინფრასტრუქტურა ხელს შეუწყობს ტურისტული ინფრასტრუქტურის გაძლიერებას“, - განაცხადა ირაკლი ღარიბაშვილმა.
