თბილისის მერიის გადაწყვეტილებით, წელს საახალწლო სოფლები არ მოეწყობა. ამის შესახებ კახა კალაძემ დღეს დედაქალაქის მთავრობის სხდომაზე განაცხადა.
"არსებული ეპიდემიოლოგიური მდგომარეობიდან გამომდინარე, შესაბამისად, იმ შეზღუდვების გათვალისწინებით, რომელიც დაწესებულია, გადავწყვიტეთ, რომ წელს საახალწლო სოფელი ვერ გაკეთდება.
ეს ქმნის მიზიდულობის ცენტრს და ძალიან დიდი საფრთხე იყო იმის, რომ ბევრი ადამიანი მივიდოდა და გაჭირდებოდა კონტროლი“, - განაცხადა დედაქალაქის მერმა.
