ეროვნული ცენტრის დირექტორი თეა გოდოლაძე სოციალუ ქსელში წერს, რომ გუშინ გერმანელ ექსპერტებთან ერთად შეთანხმდნენ ბარიერების განთავსებაზე , რათა მეწყერის გავრცელების სიჩქარე შეამცირონ.
“გუშინ საუბრის დროს ყველა პუნქტზე შევთანხმდით გერმანელ მეცნიერებთან! მათ ცალსახად თქვეს, რომ ერთადერთი რაც შეიძლებ გაკეთდეს, ბარიერები, რომ მეწყრის გავრცელების სიჩქარე დავაგდოთ და ხახლს დრო მივცეთ! მეწყრის ხელის დაკარებაზე საუბარიც არ ყოფილა. ყველამ ვიცით რომ საშიშია!!! მთავარია მონიტორინგია და მოგვიწონეს რასაც ვაკეთებთ და ყველა პუქტზე დაგვეთანხმნენ!!! თქვეს რომ აქ ბევრი "ჭკვიანის" პოზიციას არ იზიარებენ და საშიშია!
დაგვღუპავენ ეს საბჭოთა სკოლის ხალხი!!! ინგლისური ისწავლეთ და დაგუგლეთ! დაძრული მასშტაბური მეწყრის დროს, რომელი ჭკვიანი აკეთებს დაანკერებას!! “- წერს გოდოლაძე სოციალურ ქსელში .
შეგახსენებთ , რომ მაჭავარიანის ქუჩის მიმდებარე ფერდობზე მეწყერის გააქტიურების გამო მერიამ გერმანელი ექსპერტები მოიწვია.
თბილისის მერიის ინფორმაციით, მიმდინარეობს მუდმივი მონიტორინგი , მერია სპეციალისტებთან და გერმანელ ექსპერტებთან ერთად აქტიურად მუშაობს პრობლემის გადასაჭრელად. 16 მარტიდან უსაფრთხოების მიზნით მოძრაობა ორმხრივად აკრძალულია მაჭავარიანის ქუჩაზე.
