თბილისის მერიის ინფორმაციით, უხვი ნალექის გამო, დედაქალაქის შემოერთებულ ტერიტორიებზე გზები ინტენსიურად იწმინდება. ამ დროისთვის სატრანსპორტო მოძრაობის შეფერხება არსად დაფიქსირებულა. ტექნიკური მარილი დაიყარა წყნეთის დასახლებაში, კიკეთში, კოჯორში, ტაბახმელასა და შინდისში.
"თბილისის შემოგარენში მთელი ღამის განმავლობაში ინტენსიურად მიმდინარეობდა ტექნიკური მარილის დაყრა. გზებზე გადაადგილება არსად შეფერხებულა. უსაფრთხოებიდან გამომდინარე, ავტომანქანების მძღოლებს მოვუწოდებთ, იმოძრაონ ზამთრის საბურავებით“, - აღნიშნა „თბილსერვის ჯგუფის“ დირექტორმა გიორგი პაპავამ.
თბილისის მერია მოსახლეობას მოუწოდებს, თოვლიანობის გამო საავტომობილო მოძრაობის შეფერხების შემთხვევაში, მიმართონ „თბილსერვის ჯგუფს“ ცხელ ხაზზე - 2 61 90 50 ან თბილისის მერიას ცხელ ხაზზე - 2 72 22 22.
