როდის გაიხსნება მეტროსადგური „გოცირიძე“ ? – კალაძის პასუხი

დედაქალაქის მერი კახა კალაძე აცხადებს, რომ მეტროსადგურ „გოცირიძის“ გახსნის ვადა რამდენიმე კვირით გადაიწია.

როგორც კახა კალაძემ განაცხადა, სამუშაოების პროცესი გამოიკვეთა ძალიან დიდი პრობლემა, ბაქანი არ ექვემდებარებოდა რეაბილიტაციას.

„მთლიანად დაიშალა არსებული ბაქანი. სამუშაოები უნდა დამთავრებულიყო 15 აგვისტოსთვის, თუმცა კომპანიამ რამდენიმე კვირით მოითხოვა ვადის გადაწევა და ჩვენ დავთანხმდით, რადგან სამუშაოები ბოლოშია მიყვანილი. ჩვენთვის პრინციპულად მნიშვნელოვანია, სწრაფად გაიხსნას სადგური და მოემსახუროს ადამიანებს“, – განაცხადა კახა კალაძემ.