დედაქალაქის მერი დედაენის დღესთან დაკავშირებით სოციალურ ქსელში წერს, რომ 14 აპრილი საზოგადოების ერთიანობის დღეცაა და ქვეყანას სახელმწიფო ენის დღეს ულოცავს .
“43 წლის წინ გათენებულმა თოთხმეტმა აპრილმა და ამ დღეს განვითარებულმა მოვლენებმა მნიშვნელოვანი წვლილი შეიტანა ჩვენი ეროვნული თვითმყოფადობის შენარჩუნებაში.
ამ დღემ ნათლად დაანახა საბჭოთა მმართველობას, რომ ჩვენი ხალხი, თავისუფლების დაკარგვის მიუხედავად, არასოდეს დათმობდა თავის ენას და ეროვნულობას.
გილოცავთ სახელმწიფო ენის დღეს - 14 აპრილს, რომელიც საზოგადოების ერთიანობის დღეც არის” - წერს კახა კალაძე.
