ზუგდიდის მუნიციპალიტეტში, სოფელ ჭითაწყარში, ბენზინგასამართ სადგურთან აფეთქება მოხდა. ხანძრის განმომწვევი მიზეზი ამ ეტაპზე დაუზუსტებელია. სავარაუდოდ, ცეცხლი გაზის რეზერვუარს გაუჩნდა.
აფეთქების შედეგად 2 ადამიანი დაშავდა. ისინი სამედიცინო დაწესებულებაში კონტაქტურ მდგომარეობაში გადაიყვანეს.
მომხდარს ადგილზე შეესწრო „ბიზნესთაიმის“ კორესპონდენტი, მისივე თქმით შემთხვევის ახლოს მდებარე შენობებს მინები ჩაემსხვრა. მისივე თქმით , ხანძარი ამ დროისთვის უკვე ლიკვიდირებულია. აფეთქების შედეგად ასევე დაზიანდა რამდენიმე ავტომობილი.
შემთხვევის ადგილზე ოპერატიულად მოვიდა სახანძრო, საპატრულო და სასწრაფო დახმარების ბრიგადა.
