საქართველოს მთავრობა მოსკოვში "კროკუს სითი ჰოლში" განხორციელებულ ტერორისტულ აქტს გმობს, ამის შესახებ მთავრობის მიერ გამოქვეყნებულ განცხადებაში არის საუბარი:
"საქართველოს მთავრობა გმობს მოსკოვში მომხდარ შემზარავ ტერორისტულ აქტს, რომლის შედეგად ათეულობით უდანაშაულო ადამიანი დაიღუპა. ვუსამძიმრებთ რუს ხალხს. ვუსამძიმრებთ დაღუპულების ოჯახებს. დაშავებულებს მალე გამოჯანმრთელებას ვუსურვებთ,"- ნათქვამია საქართველოს მთავრობის განცხადებაში.
რუსული სახელმწიფო მედიის ინფორმაციით, 22 მარტს კროკუს სითი ჰოლში განხორციელებულ ტერორისტულ თავდასხმას 60-ზე მეტი ადამიანი ემსხვერპლა, დაშავებულთა რიცხვი 100-ს აჭარბებს.
