ვლადიმერ ჟირინოვსკის მდგომარეობა უკიდურესად დამძიმდა. ამის შესახებ ინფორმაცია რუსული მედიით ვრცელდება.
ჯერ კიდევ გუშინ ცნობილი გახდა, რომ მას სეფსისი განუვითარდა. დღეს კი რუსული გამოცემები იუწყებიან, რომ პოლიტიკოსს ფილტვები გაეთიშა. ცოტა უფრო ადრე ჟირინოვსკი ხელოვნური კომიდან გამოიყვანეს, თუმცა მართვით სუნთქვის აპარატზე გადაყვანა, კვლავ აუცილებელი გახდა.
ცნობისთვის, ვლადიმერ ჟირინოვსკის პარტიის პრესსამსახური უარყოფს ინფორმაციას პოლიტიკოსის ჯანმრთელობის გაუარესების შესახებ, თუმცა აღსანიშნავია, რომ მისი ჯანმრთელობის მდგომარეობის შესახებ, პარტია კომენტარს არც ადრე აკეთებდა და ყველა ინფორმაციას უარყოფდა.
