დიზაინ ჰაუსი
საქართველოს ჯანდაცვის მინისტრის, ზურაბ აზარაშვილის განცხადებით, ადგილობრივი ფარმაცევტული წარმოება დაახლოებით ათ პროცენტამდეა და 90 პროცენტი იმპორტზე მოდის.
ამასთან, აზარაშვილის თქმით, მიმდინარე წლიდან ვერცერთი კომპანია ადგილობრივად წარმოებულ მედიკამენტს „ჯიემპის“ ხარისხის სერტიფიკატის გარეშე ადგილობრივ ბაზარზე ვერ გაყიდის.
„დღეისთვის დაახლოებით ათ პროცენტამდეა მთლიანი ფარმაცევტული ბაზრის ადგილობრივი წარმოება, დანარჩენი – სრულად 90 პროცენტი, შეიძლება მეტიც, იმპორტზე ვართ დამოკიდებული. ასევე, ჩვენ გასული წლის იანვრიდან მოვითხოვეთ დამატებითი სერტიფიკატები, „ჯიემპის“ სერტიფიკატები იმპორტის შემთხვევაშიც და ადგილობრივი წარმოების შემთხვევაშიც. უკვე მიმდინარე წლიდან ვერცერთი კომპანია ადგილობრივად წარმოებულ მედიკამენტს „ჯიემპის“ სტანდარტის გარეშე ადგილობრივ ბაზარზე ვერ გაყიდის. ჩვენ 2025 წლამდე დავუტოვეთ შესაძლებლობა, რომ ქვეყნის გარეთ – თუ რომელიმე ქვეყანა ამ სერტიფიკატის გარეშე მიიღებს – შეუძლიათ, ექსპორტზე გაიტანონ, საქართველოში „ჯიემპის“ ხარისხის სერტიფიკატის გარეშე ისინი მედიკამენტს ვერ გაყიდიან“, – განაცხადა ზურაბ აზარაშვილმა საქართველოს პირველი არხის გადაცემაში „თავისუფალი ხედვა“.
74