უკრაინის სახმელეთო ძალების ინფორმაციით, ლუგანსკში რუსეთის 5 თვითმფრინავისა და ერთი ვერტმფრენის ჩამოგდება შეძლეს. ამის შესახებ უკრაინის სახმელეთო ძალების "ტელეგრამის" გვერდზეა ნათქვამი.
გარდა ამისა, როგორც უკრაინის შეიარაღებული ძალების გენერალური შტაბი აცხადებს, უკრაინის საჰაერო ძალები საჰაერო თავდასხმებს წარმატებით იგერიებს.
მათივე განმარტებით, სახელმწიფოს თავდაცვის ძალები სრულ სამხედრო მზადყოფნაში არიან, მათ დაიკავეს და უჭირავთ თავდაცვითი პოზიციები და ვითარება კონტროლს ექვემდებარება.
