ღვინის ეროვნულ სააგენტოში საქართველოს დამსახურებული მეღვინის, ბონდო კალანდაძის 80 წლის იუბილე და მისი წიგნის „ჭაჭის, ყურძნის არყის და სპირტის ისტორია“ პრეზენტაცია გაიმართა.
ღვინის ეროვნული სააგენტოს ინფორმაციით, ალკოჰოლური სასმელების სპეციალისტი, ექსპერტ-კონსულტანტი ბონდო კალანდაძე 50 წელზე მეტია მოღვაწეობს მეღვინეობის სფეროში. მან შექმნა მაგარი ალკოჰოლური სასმელებისა და ლიქიორ-არყების 70-ზე მეტი რეცეპტურა. მონაწილოება აქვს მიღებული მსოფლიოს 60 ქვეყანაში გამართულ საერთაშორისო დეგუსტაციებში, გამოფენებში, კონფერენციასა და კონკურსებში. ბონდო კალანდაძე არის მევენახეობა-მეღვინეობის საერთაშორისო აკადემიის ნამდვილი წევრი, ამერიკის ქალაქ ნიუ-ორლეანის საპატიო მოქალაქე, მევენახეობა-მეღვინეობის ისტორიასა და დარგის სპეციალისტებზე გამოქვეყნებული აქვს 16 წიგნი.
დამსახურებულ მეღვინეს 80 წლის იუბილე ღვინის ეროვნული სააგენტოს თავმჯდომარემ, ლევან მეხუზლამ და მეღვინეობის დარგის წარმომადგენლებმა მიულოცეს.
