წალენჯიხის მუნიციპალიტეტში გაჩენილის ხანძარს სახანძრო-სამაშველო ბრიგადა ამ წუთებშიც აქრობს.
როგორც საგანგებო სიტუაციების მართვის სამსახურში ამბობენ,ხანძარი, დაახლოებით, 10-მდე ლოკაციაზე გაჩნდა და ცეცხლი ეკალ-ბარდებს უკიდია.
გაჩენილი ხანძრის შედეგად მოსახლეობას საფრთხე არ ემუქრება.
ცნობისთვის, წალენჯიხის მუნიციპალიტეტში გაჩენილი ხანძრის შესახებ ინფორმაცია წალენჯიხის მერის მოვალეობის შემსრულებელმა, თამარ ბელქანიამ „ფეისბუქზე“ გაავრცელა.
მისივე ინფორმაციით, ხანძარი 25 სხვადასხვა ლოკაციაზეა გაჩენილი.
