"საქართველოსთან დაკავშირებით ყველა ერთსა და იმავეს მეკითხებოდა - უნდა კი, საქართველოს ხელისუფლებას ეს? - მთავარი კითხვა ეს არის და არა ის, გვეკუთვნის თუ არა კანდიდატის სტატუსი და ღირსები ვართ თუ არა, პოლიტიკური მზადყოფნა არის თუ არა თბილისში - ამ კითხვაზე დღეს ბრიუსელში, ლუქსემბურგსა და სტრასბურგში პასუხი არ აქვთ, - ამის შესახებ თავდაცვის ყოფილმა მინისტრმა თინა ხიდაშელმა რადიო "მაესტროს" განუცხადა.
მისივე თქმით, საქართველოს ხელისუფლება საბოტირებს ამ პროცესს.
"მათ არ უნდათ ეს მოხდეს, მათ ეშინიათ როგორი რეაქცია ექნება ამაზე რუსეთს, ამიტომ ყველაფერს აკეთებენ იმისთვის, რომ უფრო მეტი დაბრკოლება შექმნან ამ გზაზე", - აცხადებს თინა ხიდაშელი.
შეგახსენებთ, რომ ევროკავშირის წევრობაზე განაცხადი, საქართველოსთან ერთად, მოლდოვას და უკრაინასაც აქვთ შეტანილი.
ვრცლად ინტერვიუს მოსმენა შეგიძლიათ შემდეგ ბმულზე:
