ქობულეთში ძლიერი ქარის შედეგად ავტომობილს ხე დაეცა. დაიღუპა ავტომობილში მყოფი ერთი ადამიანი.
სოციალურ ქსელში ვრცელდება ინფორმაცია და ფოტომასალა, რომ ძლიერმა ქარმა ბათუმში, სტადიონის ირგვლივ პარკინგის გამყოფი ჯებირები ააყირავა. ასევე ვრცელდება ცნობა, რომ ქარმა წააქცია ხეები, რის გამოც დაზიანდა მსუბუქი ავტომობილები.
აჭარის რეგიონში ძლიერი ქარით გამოწვეული პრობლემების გამო საგანგებო სიტუაციების მართვის სამსახურში ათეულობით შეტყობინება შევიდა. საგანგებო სიტუაციების მართვის სამსახურის ინფორმაციით, სახანძრო-სამაშველო ჯგუფები შეტყობინებების შესაბამისად რეაგირებას ახდენენ.
