საქართველოში შვედეთის საელჩო საქართველოს ნაკრებს ევროპის ჩემპიონატზე გასვლას ულოცავს. საელჩო მილოცვის ტექსტს სოციალურ ქსელში ქართულ ენაზე ავრცელებს.
„ვულოცავთ საქართველოს ეროვნულ ნაკრებსა და ყველა გულშემატკივარს ოცნების ახდენას და ამ ისტორიულ გამარჯვებას!“, – წერს შვედეთის საელჩო სოციალურ ქსელში.
საქართველოს საფეხბურთო ნაკრებმა გუშინ საბერძნეთი პენალტების სერიაში დაამარცხა და ევროპის ჩემპიონატის საგზური ისტორიაში პირველად მოიპოვა.
