ჯანდაცვის მინისტრი ეკატერინე ტიკარაძე აღიარებს, რომ გასული წლის ზაფხულში პანდემიის მართვის მიმართულებით რამდენიმე ნაბიჯი დაგვიანებით გადაიდგა.
ეპიდვითარებაზე ეკატერინე ტიკარაძემ „რუსთავი 2“-ის ეთერში ისაუბრა.
„შარშან [ზაფხულში] ჩვენ გვქონდა რამდენიმე დაგვიანებული ნაბიჯი, რაც შემდეგ აისახა შემოდგომაზე და ალბათ მნიშვნელოვანი იქნება, რომ ყველა უწყებამ შესაბამისად გაითვალისწინოს ჯანდაცვის სფეროს რეკომენდაციები და ამ რეკომენდაციების გათვალისწინების საფუძველზე მოხდეს დროული რეაგირება ყველა მიმართულებით“, - განაცხადა ტიკარაძემ.
