საქართველოს აქვს ევროკავშირის სრული მხარდაჭერა სამუშაოების მომდევნო ფაზაში, – ამის შესახებ ევროპული საბჭოს პრეზიდენტი შარლ მიშელი საქართველოს პრემიერ-მინისტრთან, ირაკლი კობახიძესთან შეხვედრის შემდეგ სოციალურ ქსელში წერს.
როგორც მიშელი აღნიშნავს, მან ირაკლი კობახიძეს თანამდებობაზე დანიშვნა და ევროპულ გზაზე საქართველოს პროგრესი მიულოცა.
„მე მივულოცე საქართველოს პრემიერ-მინისტრს, ირაკლი კობახიძეს თანამდებობაზე დანიშვნა და ევროპულ გზაზე საქართველოს პროგრესი საქართველოსთვის კანდიდატის სტატუსის მინიჭების ისტორიული გადაწყვეტილების შემდეგ. საქართველოს აქვს ევროკავშირის სრული მხარდაჭერა სამუშაოების მომდევნო ფაზაში. მიმდინარე რეფორმების განხორციელება ახლა გადამწყვეტია“, – წერს მიშელი.
