საფრანგეთმა, უკრაინას კიდევ 100 მილიონი ევროს ფინანსური და ჰუმანიტარული დახმარება გამოუყო - ნათქვამია საფრანგეთის საგარეო საქმეთა სამინისტროს განცხადებაში.
"უკრაინაში რუსული აგრესიით გამოწვეული ჰუმანიტარული კრიზისის გამო, საფრანგეთმა გადაწყვიტა 100 მილიონი ევროს ფინანსური პაკეტის მობილიზება მოახდინოს კონფლიქტის შედეგად დაზარალებული მოსახლეობისთვის," - ნათქვამია განცხადებაში.
ასევე, საფრანგეთმა პოლონეთის გავლით უკრაინას უკვე გაუგზავნა 33 ტონა პირველადი დახმარებისთვის საჭირო ინვენტარი, რომელიც მოიცავს კარვებს, საბნებსა და საძილე ტომრებს.
ინფორმაციას ამის შესახებ CNN ავრცელებს.
