საფრანგეთი განაგრძობს რუსებისთვის მოკლევადიანი ვიზების გაცემას, მაგრამ გაზრდის ვიზის საფასურსა და მოთხოვნების დამუშავების დროს.
მედიაში გავრცელებული ინფორმაციით, ახალი წესების მიხედვით, ვიზის საფასური გაორმაგდება - 35-დან 80 ევრომდე. გარდა ამისა, შენგენის მოთხოვნის განხილვას ახლა შეიძლება 45 დღე დასჭირდეს.
ამავე ინფორმაციის მიხედვით, ცვლილებები არ შეეხება გრძელვადიან ვიზებს.
ცნობისთვის, აგვისტოს ბოლოს, ევროკავშირის საგარეო საქმეთა მინისტრები პრაღაში გამართულ არაფორმალურ შეხვედრაზე შეთანხმდნენ, რომ შეაჩერონ რუსეთთან სავიზო რეჟიმის გამარტივების შეთანხმება.
