საპენსიო სააგენტომ 2022 წლის 10 მაისის სტატისტიკა გამოაქვეყნა, უწყების ცნობით, 10 მაისის მდგომარეობით მთლიანი საპენსიო აქტივების ღირებულება არის 2.3 მილიარდი ლარი, ხოლო ამონაგები კი 329 მილიონ ლარს შეადგენს.
„საპენსიო სქემაში გაწევრიანებულ მონაწილეთა რაოდენობა 1 მილიონ 275 ათასი ადამიანია. დღეისათვის, დაგროვებითი პენსიით ისარგებლა სხვადასხვა კატეგორიის 1,809 პირმა. საპენსიო სქემაში ჩართულთა რაოდენობა ყოველდღიურად იზრდება და საშუალოდ თვეში 10,000 ახალ გაწევრიანებულ მონაწილეს შეადგენს“, - ნათქვამია საპენსიო სააგენტოს მიერ გავრცელებულ განცხადებაში.
