პატრიარქის ნათლული კიდევ 1000-მდე ბავშვი გახდა. რიგით 66-ე საყოველთაო ნათლობა სამების საკათედრო ტაძარში გაიმართა. ნათლობის შემდეგ ტაძარში კათოლიკოს-პატრიარქი მივიდა და ნათლულები დალოცა.
საყოველთაო ნათლობის იდეა ილია მეორეს ეკუთვნის და მისი მიზანი ქვეყანაში დემოგრაფიული მდგომარეობის გაუმჯობესებაა. ილია მეორე ჯვარდაწერილი წყვილების მესამე და მომდევნო შვილებს ნათლავს. პატრიარქს უკვე 45 000-ზე მეტი ნათლული ჰყავს.
